شۆڕش ئەمین چالاکوانی کۆمەڵی مەدەنی لە لێدوانێکیدا بۆ سپی میدیا رایگەیاند : ئەمڕۆ رێکخراوەکانی کۆمەڵگای مەدەنی و رۆشنبیران لەبەردەم دادگای سلێمانیدا کۆدەبنەوە وەک ناڕەزایی پێشاندانێک بەرامبەر هەڵوێستی دادوەرانی کوردستان و لەنێویشیاندا دادوەرانی گەرمیان کە مانیان گرت لەکارکردن و کاری هاوڵاتانیان پەکخست لە دادگاکاندا.

ئەمین ئەوەشی رایگەیاند: لەوە دەچێت کە داوەرەکان هەست بەو راستیە نەکەن کە رای گشتی خەڵکی کوردستان بەهیچ جۆرێک لەگەڵ ئەو مانگرتنەی دادوەرەکاندا نییە و ئەم چالاکییەی ئێمەش بەشێکە لەو ناڕەزامەندی پێشان دانە.