عەبدربە مەنسور هادی، سەرۆك كۆماری یەمەن ئەمرۆ لە لێدوانێكی تەلەفزیۆنیدا داوای لە ئێران كرد دەستوەردانەكانی لەوڵاتەكەی كۆتایی پێبهێنێت.

مەنسور هادی لە دیمانەیەك لەگەڵ كەناڵی عەرەبییە وتی: دەستوەردانەكانی ئێران لەیەمەن‌و هاندانی گروپی حوسییەكان بۆ درێژەدان بە شەڕ‌و خوێنڕشتن زۆر لە تۆڕی تیرۆریستی قاعیدە مەترسیدارترە.

سەرۆكی یەمەن وتی: سیاسەتی ئێران لەیەمەن زۆر وێرانكەرە‌و دژی دامەزراوەی حكومەتە لەو وڵاتە، بەو مانایە رۆڵی تاران لە تۆڕی تیرۆریستی قاعیدە ترسناكتر‌و مەترسیدارترە.