سەدر داوای خۆپیشاندانی ملیۆنیی دەكات
موقتەدا سەدر داوا دەکات خۆپیشاندانی ملیۆنی بۆ فشارخستنە سەر ئەنجومەنی نوێنەران ئەنجام بدرێت و کاتەکەشی دیاری دەکات.
موقتەدا سەدر، ڕێبەری ڕەوتی سەدر لە راگەیاندراوێکدا کە ئەمرۆ شەممە، بڵاو کراوەتەوە ئاڕاستەی هاوڵاتیان و لایەنگرانی ڕەوتەكەی كردووە، داوای لێكردوون ڕۆژی دوو شەممە خۆپیشاندانی ملیۆنی ئەنجام بدەن.
سەدر لەو راگەیاندراوەدا هۆکاری ئەو داواییەی ئاشکرا دەکات و رایدەگەیەنێت " دەیانەوێت لەو ڕێگەیەوە فشار بخەنە سەر ئەنجومەنی نوێنەرانی عیراق تا دەنگ لەسەر چاكسازیەكان بدات".
هاوکات جەختی کردۆتەوە " هەندێك لایەنی عیراقی نایانەوێت ئەنجدومەنی نوێنەران كۆببێتەوە".
PM:04:12:23/04/2016