میدیاکانی رووسیاو کوردستان وێنەی کۆبوونەوەیەکی وەفدی حکومەتی هەرێمیان لەگەڵ بەرپرسانی رووسیادا بلآوکردۆتەوە کەلای چاودێران زۆر جێگای سەرنجە.

لەو وێنەیەدا ئەوەی بەدیدەکرێت، وەفدەکەی رووسیا کاغەز و دەفتەری تێبینیان لەژێر دەستدایە بۆ نووسینی تێبینی و زانیاری، بەلآم وەفدەکەی حکومەتی هەرێم، جگە لە نێچیرڤان بارزانی کەس هیچ کاغەزێکی لەژێر دەستدا نییە.

بەپێی بۆچوونی چاودێران، کەس تێناگات ئەو وەفدە حیزبییە، یان حکومیە، ئەگەر حکومییە وەک میدیاکانی پارتی و هەرێم ئاماژەی بۆ دەکەن، لەو حاڵەتەدا د. رۆژ نوری شاوەیش چ پلەیەکی حکومی هەیە، ئەگەر حیزبیشە د. نەجمەدین کەریم چی دەکات لە وەفدەدا.