لە بیانی ئەمڕۆوە تۆپبخانەکانی ئێران بۆردومانی ناوچەکانی سیدەکان دەکەن و، لە ئەنجامدا پێنج هاوڵاتی بریندار بوون.
لە ئەنجامی ئەو تۆپبارانەی ئێران پێنج هاوڵاتی بریندار بوون کە ژن و منال لەنێوان بریندارەکاندایە.
لە لێدوانێکی رۆژنامەگەریدا د. کەنعان کانەبی، بەڕێوەبەری تەندروستی چۆمان ئاماژەی بۆ ئەوە کرد کە 2 منداڵ و ژن و پیاوێک برینداربوون، بەڵام برینەکانیان مەترسیدارنییە.
سپی زانیوویەتی کە ژمارەی بریندارەکان بەرزبۆتەوە بۆ ٥ هاوڵاتی.
لەکاتێکدا بۆردومانەکان بەردەوامە پانتایەکی فراوان لەناوچەکە ئاگری تێبەربووە.
بەپێی هەواڵی كوردستان میدیا، زمانحاڵی حیزبی دیموكراتی كوردستانی ئێران، ئەو ناوچانەی کە بۆردومان كراون بریتین لە حاجی ئۆمەران، بەربەزین، کونەڕێ، کەتینە و دۆڵی ئاڵان كە تا کاتی داڕشتنی ئەم هەواڵە هیچ زەرەرێکی گیانی وەبەر پێشمەرگەکانی حیزب نەکەوتووە.
هەروەها باس لەوەدەكات هاوڵاتییانی ئەم ناوچانەی باشوری کوردستان کە زۆربەیان شوانکار و جوتیار و ڕەوەندن ناچار بوون ئەو ناوچانە بەجێ بهێڵن.
ئەو تۆپبارانەی ئێران دوای ئەو شەڕو پێکدادانە دێت کە ماوەی دوو هەفتەیە لە رۆژهەڵاتی کوردستان لەنێوان پێشمەرگەکانی دیموکرات و هێزە ئێرانییەکان لە ئارادایە.