سپی دەقی رێککەوتنی نێوان کوردو رژێمی ئەسەد بلآودەکاتەوە
بەپێی رێککەوتنێک لە کاتژمیر ٢ ئەمڕۆوە شەڕو پێکدادان لە شاری حەسەکە لەنێوان یەکینەکانی پاراستنی گەل و هێزەکانی رژێمی سوریا راگیرا.
دەقی رێککەوتنی نێوان یەکینەکانی پاراستنی گەل و هێزەکانی ئاسایشی رۆژئاوا لەگەڵ هێزەکانی رژێمی بەشار ئەسەد دا کە ئەمڕۆ ئیمزاکرا بەم شێوەیەیە:
یەکەم: شەڕ لە کاتژمیر ٢ ی پاشنیوەرۆوە رادەگرێت لەنێوان هەردوولادا.
دووەم: هەموو ئەو بنکەو جێگایانەی لەلایەن شەڕڤانانی یەپەگەوە کۆنترۆڵکراوە، دەدرێتە دەست ئاسایشی رۆژئاوا، ئاسایشی شارەکە دەدرێتە دەست ئاسایشی رۆژئاوا.
سێهەم: دەبێت هێزەکانی رژێمی ئەسەد بچنە دەرەوەی شاری حەسەکە.
چوارەم: چوارگۆشەی ئەمنی کە دائیرەکانی حکومەت دەگرێتە خۆی و پارێزگاری شارەکە لە لایەن پۆلسی مەدەنیەوە دەپارێزرێت.
ئەم رێککەوتنە لەسەردەستی کۆمەڵێک سەرۆک هۆز و پێشتریش بەناوبژیوانی روسیا هەردوولایەنی شەڕڤانانی یەپەگەو هێزەکانی رژێمی ئەسەد گەیشتنە ئەنجام.
PM:06:45:23/08/2016