بەم شێوەیە ڤیزا وەربگرە

باڵوێزی تورکیا ڕایگەیاند هاوڵاتیانی عێراق و هەرێمی کوردستان دەتوانن ڤیزا وەربگرن و ڕۆژانە ئەو وڵاتە سێ هەزار ڤیزا دەدات بە هاوڵاتیانی عێراق و ئەوانیش دەتوانن لە ڕێگەی ئینتەرنێتەوە ڤیزای ئەلیکترۆنی وەربگرن.

فاروق قایماقچی، باڵیۆزی توركیا ڕایگەیاند "توركیا ناچاربوو مەرجەكانی بۆ پێدانی ڤیزا بەهاوڵاتیانی عێراقی بگۆڕێت ئەوەش دوای لێشاوی كۆچكردن لەلایەك و لەلایەكیتریشەوە بەهۆی ڕێگریكردن لە تیرۆر" .

هەروەها ڕاشیگەیاند "توركیا مەرجەكانی پێدانی ڤیزا بە هاوڵاتیانی عێراقی ئاسان دەكاتەوەو لەمەولارۆژانە دەتوانرێت ڤیزا بدرێتە نزیكەی سێ هەزار كەس".

سەبارەت بە شێوازی پێدانی ڤیزاکەش دەڵێت "هاوڵاتیانی عێراقی بەلەبەرچاوگرتن و ڕەچاوكردنی مەرجەكانمان دەتوانن لەباڵیۆزخانەی توركیا لە بەغدا و سەركونسوڵگەری توركیا لە هەولێر بەڕێگای ئینتەرنێتەوە ڤیزای ئەلیكترۆنی پڕبكەنەوە و لە ماوەی یەك دوو رۆژدا ڤیزایان پێ دەدرێت" .



ئه‌م بابه‌ته ‌2093 جار خوێنراوه‌ته‌وه‌‌

PM:08:03:08/09/2016