ئەمرۆ سەنتەری میترۆ بۆ داکۆکیکردن لە مافی ڕۆژنامەنووسان، ناوی ئەو وەزارەتانەی  ئاشکرا کرد كە زانیارییان بە رۆژنامە نوسان داوە.

ئەمڕۆ دووشەممە 3/10 ڕەحمان غەریب، ڕێکخەری سەنتەری میترۆ بۆ داکۆکیکردن لە ڕۆژنامەنووسان، لە کۆنفرانسێکی ڕۆژنامەوانیدا ئاشکرای کرد، بەپێی ئەو ئامارەی ئەنجامیان داوە، وەزارەتی کار و کاروباری کۆمەڵایەتی لە ڕیزبەندیی یەکەمی ئەو دامەزراوانەی حکوومەتی هەرێمی کوردستانە کە یاسای پێدانی زانیاری بە ڕۆژنامەنووسان جێبەجێ کردووە و زۆرترین زانیاری بە ڕۆژنامەنووسان داوە.

باسیشی لەوە کردووە کە دوای ئەو وەزارەتە، هەریەک لە وەزارەتەکانی تەندرووستی و کشتوکاڵ، لە ڕیزبەندیی دووەم و سێیەم دان و سەرۆکایەتیی هەرێمی کوردستانیش وەک دامەزراوەیەکی فەرمی، لە ڕیزبەندیی چوارەمین دامەزراوەی هەرێمی کوردستانە کە زۆرترین زانیاری بە ڕۆژنامەنووسان داوە.