جۆری خۆراک کاریگەری هەیە لەسەر هەبوونی ئازار لە کاتی سووڕی مانگانەی ئافرەتاندا و دەبێت خانمان ئاگادار بن لەو کاتەدا ئەم جۆرە خۆراکانە نەخۆن.

١-خواردنی چەوری و گۆشت دەبێتە هۆی زیادبوونی ئازار و بەگوێرەی توێژینەوەكان خواردنی گۆشت و چەوری لەكاتی سووڕ مانگانە وا دەكات هەست بەئازار بكەن و ماسولكەكانتان گرژ بن، هاوكات گۆشت و چەوری دەبێتە هۆی زۆربوونی رێژەی هەوكردن.

٢- خواردنی ئایس كرێم و خواردنەوە ساردەكان دەبێتە هۆی بەهێزبوونی ئازاری سووڕی مانگانە و بەردەوامبوون، بۆیە پێویستە لە جیاتی ئایس كرێم و خواردنەوە ساردەكان، خواردنەوەی گەرم بخۆنەوە.

٣- فینگەر و چپس یەکێکی دیکەیە لەو خۆراکانەی کە نابێت لە کاتی سوڕی مانگانەدا بخورێت، چونكە چپس دەوڵەمەندە بە سۆدیۆم و دەبێتە هۆی وشكبوونی جەستە و ئەمەش وا دەكات وشكبوونەوە لە جەستە رووبدات و كاریگەری نەرێنی لەسەر دەروون جێ دەهێڵێت، بۆیە پێویستە لەجیاتی ئەوە گوێز و بادام بخۆن.
٤- خۆت بەدووربگرە لەو خوارنانەی کافاینی تێیدایە وەک قاوە و چا و شوكۆلاتەی گەرم و کۆلا و خواردنەوە وزەبەخشەکان، چونکە دەبێتە هۆی تێكچوونی سووڕی مانگانە، هاوكات گرژی و ئازار لە ماسولكەكانی كۆئەندامی زاوزێ دروست دەكات، لە رووی دەروونییەوەش تووشی رەشبینی و دوودڵیتان دەكات.

٥- ئەو خواردنانە مەخۆ کە ڕێژەی شەکری بەرزە چونکەشەكر دەبێتە هۆی تووشبوون بە گرژی ماسولكەكان لە كاتی سووڕی مانگانەدا.