دادگای تورکیا لە شاری ئورفەی باکوری کوردستان بڕیاری دا پەرلەمانتاری هەدەپە دیلەک ئۆچ ئالان کە خوشکەزانی سەرۆکی دەستگیرکراو عەبدوڵا ئۆچ ئالانە، دادگایی بکات.
دادگای تورکیا دیلەک بەوە تۆمەتبار دەکات کە لە ٢٠١٦/٢/٢٣ بەشداری ناشتنی تەرمی کوژراوێکی پارتی کرێکارانی کوردستانی کردووەو ئەوە تاوانێکە کە بکەرانی سزا دەدرێن.
دادگای ئەو وڵاتە داوای ٥ ساڵ زیندانیکردن دژی دیلەک ئۆچ ئالان دەکات.
ئەو هەنگاوە نوێیەی دادگای تورکیا لە کاتێکدایە کە دەسەڵاتداران و دادگاکانی تورکیا بەردەوامن لەسەر دەستگیرکردنی هاوسەرۆکانی شارەوانیەکانی باکوری کوردستان و ئەندامان و بەرپرسانی هەدەپە.