وەزارەتی دارایی حکومەتی هەرێم سبەینێ یەکەم خشتەی دابەشکردنی مووچە
بڵاودەکاتەوە و وادەی دابەشکردنی مووچەی مانگی ١١ ڕادەگەیەنێت.
ماڵپەڕی خەڵک بڵاویکردووەتەوە " بڕیارە سبەی و دوو سبەی وەزارەتی دارایی و ئابووری هەرێم خشتەی
مووچەی مانگی 11ی ساڵی ڕابردوو ڕابگەیەندرێت و یەكەم وەزارەتیش، كە مووچەی پێ
دەدەرێت وەزارەتی پێشمەرگەیە، پاشان هێزەكانی زێرەڤانی و دیوانی وەزارەت".
لە هەواڵەکەی ئەو ماڵپەڕەدا هاتوە "سبەی وەزارەتی دارایی ئامادەكاری دەكات بۆ دەست
پێكردنی دابەشی مووچەی مانگی 11ی ساڵی ڕابردوو، ئەگەر گرفتی بۆ دروست نەبێت
لە ڕووی پارە و گۆڕینەوەی پارەكە".
ماڵپەڕەکە بڵاویشیکردووەتەوە "ئەگەر پارە لە بەردەست بێت، هەر لەم هەفتەیەدا مووچەی یەكەكانی
70 و 80 دابەشدەكرێت و دواتر مووچەی ئەنجومەنی ئاسایش و ئاسایشی گشتی".