وەزارەتی دارایی و ئابووری حکوومەتی هەرێمی کوردستان، گشتاندنی ژمارە (10)ی ساڵی(2017)ی بڵاوکردەوە و داوا دەکرێت پەلە بکرێت لە یەکلاکردنەوەی پێشینەکان.

لە گشتاندنەکەی وەزارەتی دارایی و ئابووریی حکوومەتی ھەرێمی کوردستان کە واژوی ڕابەر سدیق، بریکاری وەزارەتی دارایی بەوەکالەتی بەسەرەوەیە و ئاڕاستەی گشت وەزارەتەکان و فەرمانگەکانی نەبەستراو بە وەزارەت کراوە، جەخت لەسەر یەکلاکردنەوەی ئەو پێشینانەی کە لە ئەستۆتانە لە (2017/5/31)دوایین بەروارە بۆ داخستنی ئەژمێری کۆتایی ساڵی (2016).

لە گشتاندنەکەی وەزارەتی داراییدا ئاشکراکراوە پێویستە پەلە بکرێت لە یەکلاکردنەوەی پێشینەکان و ئامادەکردنی تەرازووی پێداچوونەوە لەکاتی خۆی بێ دواکەوتن و پێش بەرواری(2017/5/31)ئاڕاستەی وەزارەتی دارایی بکرێت.

جەختیشکراوەتەوە، لە ئەگەری هەر دواکەوتنێک فەرمانگە، بەڕێوەبەری بەڕێوەبەرایەتی پەیوەندیدار، بەڕێوەبەری ژمێریاری و ژمێریار بەر پرس دەبێت.