لە ئەنجامی روودانی دوو تەقینەوە لە شاری سان پترسبۆرگی روسیا 10 کەس کوژران و 50 کەسی دیکەش برینداربوون.

پۆلیسی روسیا ئاشکرایکرد، تەقینەوەکان لە وێستگەی میترۆی چواڕیانی سینایا روویانداوە و بەلایەنی کەمەوە 10 کەس کوژراون و زیاتر لە 50 کەسی دیکەش برینداربوون.

میدیاکانی روسیا بڵاویانکردەوە، پاش روودانی تەقینەوەکان بەلایەنی کەمەوە 7 وێستگەی میترۆ داخراون و پۆلیسێکی زۆریش گەیشتووەتە ناوچەکە.

ڤلادیمیر پوتین، سەرۆککۆماری رووسیاش، کە لە هەمان شار پێشوازی لە سەرۆکی بیلارووس کرد، رایگەیاند، هێزە ئەمنییەکان لە سەر ئەرکەکانیان بەردەوامن و دەیانەوێت وردەکاری تەقینەوەكە دیاری بکەن.