نوسینگەی عەلی سیستانی مەرجەعی باڵای شیعەکانی عێراق ئەمڕۆ هەینی ڕایگەیاند، ڕۆژی شەممە ڕەمەزان نییە و ڕۆژی یەک شەممە ٢٨ی ئایاری ٢٠١٧ لەلای ئەوان یەکەم ڕۆژی مانگی ڕەمەزانە.

ئەمڕۆ نوسینگەی عەلی سیستانی ڕایگەیاند "لەبەرئەوەی بە چاوی ئاسایی مانگی ڕەمەزان لە عێراق و ناوچەکانی دەوروبەر نەبینراوە لەکاتی خۆرئاوابووندا، بۆیە سبەینێ شەممە تەواوکەری مانگی شەعبانە و ڕۆژی یەک شەممە یەکەم ڕۆژی مانگی رەمەزانە".

دوێنێ ئێوارەش ئەوقافی هەرێم و وەقفی سونەی عێراق و وڵاتی سعودییە سبەینێ شەممە ٢٧ی ئایاری ٢٠١٧یان وەک یەکەم ڕۆژی مانگی ڕەمەزان دیاریکرد.