وتەبێژی
بزووتنەوەی گۆڕان ڕایگەیاند تۆزقاڵێك
لە رێبازەكەی نەوشیروان مستەفا لانادەین.
شۆڕش حاجی لە میانی کۆنگرەیەکی ڕۆژنامەوانیدا
ڕایگەیاند، "تۆزقاڵێك لە رێبازەكەی نەوشیروان مستەفا لانادەین و
بەردەوام دەبین، پەیمان بەخەڵكی كوردستان دەدەین وەفادار دەبین بۆ ئەو
متمانەو ئومێدەی خەڵك بەكەسایەتی كاك نەوشیروان و پەیام و بەرنامە سیاسیەكەی و
بەڵێن دەدەین درێژەپێدەری رێبازەكەی بین، تا گەیشتن بەئاواتەكانی كاك نەوشیروان بۆ
هێنانە كایەی كۆمەڵگەیەكی تەندروست بۆ ئێستاو نەوەكانی داهاتوو".
ناوبراو وتیشی " سوپاسی خەڵكی كوردستان و هێزەكانی ناوخۆو
ئاسایش و كارمەندانی تەندروستی دەكەین كە توانیویانە بەشێوەیەكی سەركەوتوانە
مەراسیمی یادی 40 رۆژەی كۆچی نەوشیروان مستەفا بەڕێوەبەرن".
راشیگەیاند، لە مڕۆوە پرسەی كاك
نەوشیروان كۆتایی پێدێت و بەردەوامیش دەبن لەبەرنامەو كارەكانی نەوشیروان مستەفا.