لەو کۆبوونەوەی جڤاتی گشتی کە سەرلەبەیانی ئەمڕۆ ٢٢ ی تەموز لە گردی زەرگەتە لە سلێمانی سازکرا، سێ هەڵسوڕاوی بزووتنەوەی گۆڕان بۆ پۆستی سەرۆک و جێگر و سکرتێری جڤاتی گشتی هەڵبژێردران. 

بەپێی زانیارییەکانی سپی، د. رەوف عوسمان کە پێشتریش سەرۆکی جڤاتی گشتی بوو بە سەرۆک هەڵبژێردرایەوە، هەروەها ساڵح ژاژەڵەیی وەک جێگری سەرۆک و دڵخواز قادریش وەک سکرتێری هەڵبژێردرا.

سەرۆکی جڤاتی گشتی دەبێتەوە یەكێک لە حەوت ئەندامەکەی خانەی راپەڕاندنی گۆڕان.

جڤاتی گشتی ئەنجومەنێکی راوێژکاری بزووتنەوەی گۆڕانە.