سعوودیە رایگەیاند ئەو مووشەکە بالیستیانەی لە یەمەنەوە ئاراستەی مەککە کرابوون، لەرێگەی سیستەمی بەرگری ئاسمانییەوە پوچەڵکراونەتەوە.
فەرماندەیی هێزەکانی هاوپەیمانی عەرەبی بەڕابەرایەتی سعوودیە راگەیەنراوێکی بڵاوکردەوە و تیایدا ئاماژە بەوە کراوە کە بەمەبەستی تێکدانی مەراسیمی حەج، حووسیەکانی یەمەن مووشەکێکی بالیستیان ئاراستەی شاری مەککەی پیرۆز کردووە.
لە راگەیەندراوەکەدا ئاماژە بەوەشکراوە کە مووشەکەکە لە لایەن سیستەمی بەرگری ئاسمانی سعوودیەوە لەناوچەی وەسیلەی نزیک تائیف کە ٦٩ کم لە مەککەوە دوورە لە ئاسماندا پوچەڵکراوەتەوە.
حووسیەکان لە ١٢ی ئەیلوولی ساڵی رابردوو مووشەکێکی بالیستیان ئاراستەی شاری مەککە کرد، بەڵام مووشەکەکە بەدووری ٦٥ کم لە کەعبە لەئاسماندا پوچەڵکرابوویەوە.