کادیری دیاری یەکێتی نیشتمانی کوردستان پێیوایە ئەوەی لە فڕۆکەخانە روویدا پرۆگرامەکانی پیرمام بوو.
چەتۆ ساڵح کادیری دیاری یەکێتی نیشتمانی کوردستان لە نووسینێک بە ناونیشانی " ئەوەی من بینیم لە فڕۆکەخانە" لە تۆڕی کۆمەڵایەتی فەیسبووک، نووسیوویەتی " پێش هە موو شتێک ئەوەی ئەمڕۆ كرا تەنها بۆ خودی مام بوو .. وەفای جەماوەر و كەس وكاری شه هیدان و تیكۆشەره ڕاستەقینه كان بوو .. ئەوەی لە فڕۆكەخانه گوزەرا من وام دەزانی لەمەراسیمێكی ترم چونكه (بەصمەی ) شوێنێكی ترم بەمەراسیمەكەوە دەبینی ..تۆنی قسەكان و سەرپەرشتیی و پرۆتۆكۆل و جەدوەلی پرۆگرامەكان .. ئەمڕۆ پیرمام بوو..".
چەتۆ ساڵح دەڵێت " مەسەلەی دەرهاویشتەكانی ئالای كوردستان ونیگەرانی میوانه ئێرانیەكان و بەغدا نامەیەكی سیاسی ناڕاستەوخۆی خەسمەكانی میوانەكان بوون، بەڵام لە ماڵی ئێمەوه كردیان بەسپۆنسەری هەڤاڵە دڵسۆزەکانیان.
ئەو پێیوایە " ئەمڕۆ مام غەدری لێکرا هەروەک غەدر لە میوانە قەدرگرانەکان کرا . ئەمڕۆ لایەنێکی میوان لە سەر حسابی مام ولە ناو فرمێسکەکانمان شەڕی دەرونی خۆیان دژی میوانە قەدرزانەکان کرد . دەبێت هۆکارچی بێت ئەمە کرا؟ پێویستە ئەم یاریە و گاڵتەجاڕیە ڕابگیرێت .. وه ده پرسین ئایاكاتی بەستنی كۆنگره نه هاتووه؟".
لە کۆتاییدا چەتۆ ساڵح دەڵێت "ببورە مام بە شێک لە شوێن کەوتوەکانت زوڵم لە جەنابت و ڕێبازەکەت دەکە ن. بێ ئەمەکن و لا دەرن".