حکومەتی عێراق لەرێگای وەزیرێکی کوردەوە پێشنیارێکی بەپەلە بۆ لایەنە کوردستانییەکانی هەرێم دەکات.
د. دەرباز محەمەد، وەزیری كۆچ و كۆچبەرانی عیراق لەسەر پشكی گۆڕان، لە پەیجی تایبەتی خۆی لە تۆڕی كۆمەڵایەتی فەیسبوك، پەیامێكی بەپەلەی ئاراستەی لایەنە سیاسییەكانی هەرێم كردووەو رایگەیاندووە " هەر دەبێت دانوستان لەگەڵ بەغداد بكەن، تا ڕۆژێك ئەو دانوستانە دوا بكەوێت، زیانەكەی بۆ هەرێمە".
دەرباز لە نووسینەکەیدا دەڵێت " مەرجی بەغدا هەڵوەشاندەنەوەی ریفراندۆمە، كە حكومەت هەڵیپەساردووە، هەڵپەساردن بە واتای و بە تامی هەڵوەشاندنەوە، هەروەها راشیگەیاندووە: ئەمڕۆ دان بەو هەڵوەشاندنەوەدا بنرێت لەلایەن بارزانی لەسبەینێ باشترە، بۆ ئەوەی فریای ڕێكەوتنێك بكەوین لەسەر خاڵە سنورییەكان و نەوت و كۆی كێشەكانی دیكە، پێش ئەوەی كار لەكار بترازێت و هاوڵاتیانی هەرێم زیانی زیاتر بكەن".
دەرباز محەمەد، هۆشداری لەوەشداوە كە تاوەكو ئەم بابەتە بۆ حكومەتی هەرێم بەجێبهێڵرێت، هێندەی تر ناڕوونی و چارەنوسی مەترسیدار چاوەڕێمانە.
وەزیرەکەی گۆڕان پێیوایە وەك چارەسەرێكیش بۆ قەیرانەكان، وەزیری كۆچ و كۆچبەرانی عیراق داوای كردووە حكومەتی هەرێم هەڵبوەشێتەوەو حكومەتێكی كاتیی هاوسەنگ پێكبهێندرێت.