ئەمرۆ دادگای لێکۆڵێنەوەی هەولێر بڕیاریدا بە سزادانی دوو بەرپرسی
حکومی بە زیندان کە بەتاوانی گەندەڵی و لەسەر سکاڵای دەستەی دەستپاکی هەرێم
دادگایی کرابوون.
هەریەكە لە بەڕێوەبەری بازرگانی و بەڕێوەبەری سایلۆی
هەولێر لەسەر سكاڵای دەستەی دەستپاكی سەرەتای ئەم مانگە گیران، لە دادگای لێكۆڵینەوەكان
لە هەولێر بڕیاریان لەسەر درا و ژمارەیەك فەرمانبەر كە لە كەیسەكەدا تێوەگڵابوون بە
یەك ساڵ ڕاگیراو سزا دران و كەسێكی تریش بەتۆمەتی ساختەكاری ساڵ و نیوێك زیندانی دەكرێت.
نەوزاد ئەدهەم بەڕێوەبەری گشتیی بازرگانی لە وەزارەتی
بازرگانی و پیشەسازی حكوومەتی هەرێمی كوردستان بە "وشە"ی ڕاگەیاندوە: هەردوو
بەڕێوەبەرەكە لەسەر سكاڵای دەستەی دەستپاكی گیرابوون لەلایەن دادگاوە بڕیاریان لەسەر
درا كە بەدەر لەو كارە بوون و ژمارەیەك فەرمانبەری تریش لە دۆسییەكە تێوەگڵابوون بۆ
ماوەی یەك ساڵ بە بڕیاری دادگا ڕاگیراون.
ئەو بەرپرسەی وەزارەتی بازرگانی و پیشەسازی حكوومەتی
هەرێمی كوردستان ئاشكرا كرد كە یەك كەس لەناو تۆمەتبارەكان سزای ساڵ و نیوێك زیندانی
كرا كە تاوانی ساختەکاری كردبوو.