لە راگەیەندراوێکدا هاوسەر و منالەکانی داوای دیاریکردنی چارەنووسی شاسوار عەبدولواحید دەکەن کە " لە فڕۆکەخانەی سلێمانیەوە ڕفێندراوە"و تا ئێستا چارەنووسی دیار نییە.

لەو راگەیاندراوە کە کۆپیەکی نێردراوە بۆ سپی تیایدا هاتووە " ماوه‌ی‌ چوار رۆژه‌ شاسوار عه‌بدولواحیدی‌ هاوسه‌رم، له‌لایه‌ن چه‌ند كه‌سێكه‌وه‌ به‌ دوو ئۆتۆمبێلی‌ جام ڕه‌ش له‌نێو فرۆكه‌خانه‌ی‌ شاری‌ سلێمانی‌ فڕێنراوه‌و تاوه‌كو ئێستا بێ‌ سه‌رو شوێنه‌، داوا له‌رێكخراوه‌ نێوده‌وڵه‌تییه‌كانی‌ بواری‌ مافی‌ مرۆڤ و نوێنه‌رو كونسڵخانه‌ی‌ ووڵاتان له‌هه‌رێمی‌ كوردستان ده‌كه‌م هه‌وڵێكی‌ جدی‌ بده‌ن تاوه‌كو چاره‌نوسی‌ شاسوار عه‌بدولواحید ئاشكرا بكه‌ن".

لەو راگەیەندراوەدا هاوسەری شاسوار عەبدولواحید داوا دەکات و وه‌ك سه‌ره‌تایترین مافیش ده‌رفه‌ت بدرێت بەو  و منداڵه‌كانی چاویان پێیبكه‌وێت.

هاوسەری شاسوار عەبدولواحید  چاره‌نوس و ژیانی‌ هاسەرەکەی دەخاتە ‌ئه‌ستۆی‌ حكومه‌تی‌ هه‌رێمی‌ كوردستان.