سووپای تورکیا دەستی بەهێرش بۆ سەر خواکورک کرد

سوپای تورکیا لەناو باکوری کوردستانەوە دەستی بەهێرش کردو ئەمڕۆ لەخواکورکی باشوری کوردستانیش دەستی بەهێرش کرد.

لە راگەیاندنێکدا کە هێزەکانی پاراستنی گەڵ بڵاویکردەوە ئاماژە بۆ ئەوە دەکات " ١١ی مارس\٢٠ی ڕه‌شه‌ممه‌ سوپای كۆماری توركیای داگیركه‌ر له‌ ناوچه‌ی شه‌مزینان-ی جۆله‌مێرگ به‌ره‌و مه‌یدانه‌كانی سیرۆ و گومبه‌ت-ی سه‌ر به‌ هه‌رێمی برادۆستی باشووری كوردستان ده‌ستی به‌ ئۆپه‌راسیۆنی داگیركاری كرد".

لە راگەیاندنەکەدا هاتووە "١٤ی مارس\٢٣ی ڕه‌شه‌ممه‌ سوپای كۆماری توركیای داگیركه‌ر به‌شێكی هێزه‌كانی له‌ هه‌رێمه‌كه‌ كشانده‌وه‌. هه‌مان ڕۆژ كاتژمێر ١٩:٣٠ و ٢٠:٣٠ به‌ ئۆبوس و هاوه‌ن بناری گردی سیرۆ و هه‌رێمی گه‌لیی ڕه‌ش-ی بۆردومان كرد. فڕۆكه‌جه‌نگییه‌كانی سوپای كۆماری توركیای داگیركه‌ریش بۆمبارانی بناری گردی سیرۆ، هه‌رێمی گه‌لیی ڕه‌ش و بناری ئه‌ڤلكۆڤی-یان كرد". 

هەپەگە ئاشکرای دەکات "كاتژمێر ٢٢:٠٠ هێزه‌كانی داگیركه‌ر به‌ پشتگیریی كۆپته‌ره‌جه‌نگییه‌كان-ی جۆری كۆبرا سه‌ربازه‌كانی بۆ گردی سیرۆ، گردی ماسیرۆ و گردی پارتیزان گواسته‌وه‌ و چوارچێوه‌ی ئۆپه‌راسیۆنه‌كه‌ی له‌وێ به‌رفره‌وان كرد".

هەروەها هاتووە "١٥ی مارس\٢٤ی ڕه‌شه‌ممه‌ سه‌ربازانی داگیركه‌ر ویستیان خۆیان بگه‌یه‌ننه‌ گردی پارتیزان و دۆڵی ماسیرۆ. له‌نێوان سه‌ربازانی داگیركه‌ر و هێزه‌كانمان شه‌ڕ ڕوویدا. هاوكات فڕۆكه‌جه‌نگییه‌كان بۆمبارانی هه‌رێمه‌كه‌یان كرد".



ئه‌م بابه‌ته ‌2698 جار خوێنراوه‌ته‌وه‌‌

PM:07:35:15/03/2018