سەرۆکی تۆپی پێی جیهان، جیانی ئینفانتینۆ، بڕیاریدا ئابڵوقەی وەرزشی لەسەر سێ یاریگای سێ شاری عێراق هەڵبگرێت ئەمەش دوای هەوڵدانێکی زۆری بەرپرسانی یەکێتی تۆپی پێی عێراقی و کردنەوەی چەندین یاریگای بە ناوبانگ.

فیفا بڕیاریدا یاریگای شارەکانی هەولێر و بەسڕەو کەربەلا ئابڵوقەی وەرزشیان لەسەر هەڵبگرێت و لەمە بە دواوە بە رەزامەندی یەکێتی تۆپی پێی ئاسیا رێگە بە وڵاتی عێراق دەدرێت یارییە دۆستانەکان و رەسمیەکان لەم سێ یاریگایە ئەنجام بدات ، بەڵام تا ئێستا رەزامەند نەبووە لە یاریگاکانی شاری بەغداد و شارەکانی تر یاری رەسمی و نێودەوڵەتی تێدا ئەنجام بدرێت.