ئەنجوومەنی ئاسایشی نیشتمانیی عێراق بڕیاریدا بە دۆکیومێنتکردنی پێشلکارییەکانی تورکیا بۆ سەر زەوی و ئاسمانی عێراق و بڵاوەپێکردنی پاسەوانی سنوور بە درێژایی سنووری عێراق و تورکیا.
رۆژی یەکشەممە ١٦ی ئەیلول، ئەنجوومەنی ئاسایشی نیشتمانی بە سەرۆکایەتی حەیدەر عەبادی، فەرماندەی گشتیی هێزە چەکدارەکانی عێراق کۆبووەوە، لە کۆبوونەوەکەدا گفتوگۆ لەبارەی ئاسایش و سەقامگیری، تووندوتۆڵکردن ،دۆکیۆمێنێتکردنی پێشلکارییەکان بۆ سەر زەوی و ئاسمانی عێراق، کرا.
هەروەها لە کۆبوونەوەکەدا باس لە رێکخستن و ئەرکە سەرەکییەکانی پۆلیسی فیدراڵی و پڕچەککردن و بەهێزکردنی رۆڵی تەواوکاریان لەگەڵ سوپای عێراقی کراوە .
هەر لە کۆبوونەوەکەدا دۆخی سەقامگیری بەسرە و رێوشوێنەکان و پاراستنی خەڵک و موڵک و ماڵی گشتی تاوتوێکراوەو چەند بڕیارێکیش لەلایەن ئەنجومەنەکە دەرکراوە لەوانە:
یەکەم: وەزارەتی ناوخۆ دووبارەی چاوخشانەوە دەکات بە رێکخستنەوەی پۆلیسی فیدراڵی.
دووەم: وەزارەتی دەرەوە رێوشوێنی گونجاو دەگرێتەبەر بۆ بە دۆکیۆمێنتکردنی پێشلکارییەکانی تورکیا بۆ ئاسمانی عێراق لای نەتەوەیەکگرتووەکان و دووبارەخستنەڕووی لە ئەنجوومەنی ئاسایشی نیشتمانی.
سێیەم: بڵاوکردنەوەی پاسەوانی سنوور بەدرێژایی سنووری عێراق- تورکیا بۆ پاراستنی سنوور و رێگریکردن لە هەر پێشێلکارییەک و ئامادەکردن و دابینکردن و تەرخانکردنی سەرجەم پێدویستییەکانی.
چوارەم: پەسندکردنی یاداشتی لێکتێگەیشتنی ئەمنی نێوان هەردوو وەزارەتی ناوخۆی عێراقی و هەنگاریا و سەرپشک و پێدانی دەسەڵاتی بە وەزارەتی ناوخۆ بۆ دانووستاندن و واژۆکردن.