ئێوارەی رۆژی چوارشهممه، فڕۆکەخانەی هەولێر 19 كهسی لهناو فڕۆكهخانه دهستگیرکردووە، كه پاسپۆرت و ڤیزای ساختهیان پێبووه ویستوویانه بەرەو وڵاتانى ئهوروپا گەشتبکەن.
ڕزگار ئەفەندی بەرپرسی نشینگە و پاسپۆرتی فڕۆکەخانەی نێودەوڵەتی هەولێر لە لێدوانێکی رۆژنامەوانیدا ڕاگەیاند، ئەو هاوڵاتیانەی دەستگیرکراون ٩ کەسیان کورد بوون و ڤیزای ساختەى ئەڵمانیایان لە پاسپۆرتەکانیان داوە، هەروەها شەش هاوڵاتی بەڕەگەز غینی-شیان دەستگیرکردووە، کە ڤیزای وەزارەتی ناوخۆی هەرێمیان ساختە کردووە و ویستوویانە بێنە ناو هەرێمەوە.
ئاماژەی بەوەشکردووە، هەر شەوی ڕابردوو دوو هاوڵاتی عێراقی-شیان بە ئیقامەى ساختەى ئیتاڵییەوە دەستگیرکردووەو دوو هاوڵاتیشیان بە پاسپۆرتی ساختەى فەڕەنسییەوە دەستگیرکردوە کە سووری بوون و ویستوویانە بێنە هەرێم و لێرەوە بەرەو فەڕەنسا بڕۆن.
بەرپرسی نشینگە و پاسپۆرتی فڕۆکەخانەی نێودەوڵەتی هەولێر باسی لەوەشکردووە، یهكێك لهوانهی دهستگیر كراوه، قاچاخچی بووه و به پاره هاوڵاتى بردووهته دهرهوهی وڵات، سەرجەمیشیان لەلایەن پشکنین و وردبینییەکانى فڕۆکەخانەى هەولێرەوە ئاشکراکراون.