میدیاكانی توركیا ئاشكرایان كرد، ئه‌مه‌ریكا 150 بارهه‌ڵگری گه‌وره‌ی چه‌ك و ته‌قه‌مه‌نی و تانك و زرێپۆش و ئۆتۆمبێلی سه‌ربازی ره‌وانه‌ی منبج كردووه و ته‌واوی چه‌كه‌كانیشی راده‌ستی یه‌په‌گه كردووه.
میدیاكانی توركیا ئاشكراشیان كردووه، ئه‌و چه‌كانه له رێگه‌ی عێراقه‌وه گواستراونه‌ته‌وه قامیشلۆ و له‌وێشه‌وه به‌ره‌و منبج ره‌وانه كراون.
ئەوە لە کاتێکدایە کە لە لوتکەی ٢٠ لە ئەرجەنتین، وا بڕیار بوو کۆبوونەوەیەک لە نێوان ترامپ و ئۆردوغان سازبکرێت، بەڵام ترامپ هەڵیوەشاندەوە.
راده‌ستكردنی ئه‌و چه‌كانه‌ی ئه‌مه‌ریكا بۆ یه‌په‌گه له كاتێكدایه كه رۆژ به رۆژ توركیا ناڕه‌زایی خۆی دژی ئه‌مه‌ریكا له‌به‌رامبه‌ر په‌یوه‌ندییه‌كانی له‌گه‌ڵ یه‌په‌گه توندتر ده‌كات و ئه‌نقه‌ره به‌رده‌وام داوا له واشنتن ده‌كات په‌یوه‌ندییه‌كانی له‌گه‌ڵ یه‌په‌گه كۆتایی پێبهێنێت.