بەرپرسی ئاژانسی پاراستن و زانیاری، نەزهەت حالی رایگەیاند "دەستگیرکردنی کادرانی یەکێتی و پارتی جێگای نیگەرانی ھەموو نیشتمانپەروەرانن و دەبێت دامەزراوە ئەمنییەکان پارێزەری ھەر تاکێک بن بێ جیاوازی".
نەزھەت حالی، بەرپرسی ئاژانسی پاراستن و زانیاری لە ئەکاونتی خۆی لە تۆڕی کۆمەڵایەتی فەیسبووک نووسیویەتی، "بە داخەوە رووداوەکانی ئەم دواییە سەبارەت بە گرتنی کادیرانی پارتی و یهکێتی جێگای نیگەرانی ھەموو نیشتمانپەروەران و ئەو کەسانەیە کە لەخەمی ئارامی و ئاسایشی ھاووڵاتیانن".
بەرپرسی ئاژانسی پاراستن و زانیاری لەو نووسینەدا جەخت لەسەر ئەوە دەکاتەوە کە دامەزراوە ئەمنییەکان دەبێت پارێزەری گیان و سەروەت و سامانی ھەر تاکێکی ئەو ھەرێمە بن بە بێ جیاوازی باوەڕی ئاینی، نەتەوەیی و سیاسی.
ئەو بیری پارتی و یەکێتی دەخاتەوە کە یەکێتی و پارتی دەبێت زیاتر لەھەموو لایەنەکان ئەرکی پاراستنی یاسا و ئارامی و ئاسایشی ناوخۆیان دەکوێتە ئەستۆ.
دوو کادیری پارتی و یەکێتی لە لایەن ئاسایشی سلێمانی و هەولێرەوە دەستگیرکراون و ئەمەش بۆتە مایەی گرژی لەنێوان هەردوولایەنی دەسەڵاتدار.