هەسەدە ڕایانگەیاند، ئەمرۆ شەممە ١٩ کانونی دووەمی ٢٠١٩ هێزەکانیان چەند چەکدارێکی داعشیان دەستگیرکردووە کە ناسنامەی دوو کەسیان ئەمریکییە.
هێزەکانی سوریای دیموکرات "هەسەدە" لە بەیاننامەیەکدا بڵاویکردووەتەوە، لە ئۆپراسیۆنێکدا لە پارێزگای دێرزوو، هێزەکانیان بە هاوکاری هاوپەیمانەکانیان کە ئەرکیان پاراستنی یەکێتی نەتەوەیی کوردە لە ناوچەکانی سوریا، چەند چەکداری داعشیان دەستگیرکردووە کە دووکەس لەو چەکدارانە خەڵکی ئەمریکان.
ئاماژەیان بەوەش کردووە، هەر لەناو دەستگیرکراوەکاندا خەڵکی پاکستان و ئیرلەنداشیان تێدایە.
هەفتەی رابردوو و لەئەنجامی تەقینەوەیەک لەناو چێشتخانەی (ئەلئومەرا)ی شاری منبج ١٩ کەس کوژران، کە چوار کەسیان سەربازی ئەمریکی بوون، لەگەڵ ٥ لە یاریدەدەرەکانیان و ١٠ هاووڵاتی مەدەنیش لە دانیشتووانی شارەکە و ژمارەیەکیش برینداربوون.