عەدەسە ی چاو یەکێکە لەو بابەتە جوانکاریانەی گەنجێکی زۆر لەمڕۆدا بەکاری دەهێنێت بەتایبەت ئافرەتان، ئەمەش جوانیەکی تایبەت دەبەخشێت بەکەسی بەکارهێنەرو وای لێدەکات سەرنج ڕاکێشتر دەربکەوێت ، یاخود هەندێ کەس بە مەبەستی گۆڕینی ڕەنگی چاوی و ڕێکخستنی لەگەڵ ستایلی جل و بەرگیدا بەکاری دەهێنت.
جیاواز لەهەموو ئەم بابەتە جوانکاریانە بەکارهێنانی عەدەسە چەندین زیانی تەندرووستی هەیە بۆیە  کەسی بەکارهێنەر پێویستە ئاگاداری بێت.

ـ  ڕێگری کردن لە گەشتنی ئۆکسجین بە چاو:  لەکاتی لەچاوکردنی عەدەسەدا ، عەدەسەکە بەتەواوی گلێنەی چاو دادەپۆشێت ئەمەش ڕێگری دەکات لە گەشتنی ئۆکسجین بەچاو بۆیە ئەگەری زیان گەیاندنی هەیە بەچاوەکان چونکە ئۆکسجین یارمەتی پاراستنی تەندرووستی چاو دەدات.

ـ ووشکبوونەوەی چاو:  بەکارهێنانی عەدەسە  ڕێگری دەکات لە چونی فرمێسک بۆ گلێنەی چاو  ئەمەش دەبێتە هۆی ووشکبوونەوەی چاو.

ـ سوتانەوە بەتایبەت ئەگەر بێتو کەسی بەکارهێنەر حەبی مەنع بخوات:  بەکارهێنانی عەدەسەو خواردنی حەبی مەنع پێکەوە دەبنە هۆی ووشکبوونی چاو سوتانەوەی چاوەکان لەدەستدانی کۆنترۆڵی فرمێسک.

ـ  برینداربوونی  بیلبیلەی چاو:  گومانی تێدا نییە بەکارهێنانی عەدەسە هۆکارە بۆ بریندار بوونی گلێنەی چاو بەتایبەت ئەو کاتەی چاو تووشی ووشک بوونەوە دەبێت.

ـ  سووربوونەوەی چاو: یەکێکی کە لە مەترسییەکانی بەکارهێنانی  عەدەسە سور هەڵگەرانی چاوە لەبەر ئەوەی هەندێ کەس بەخاوێنی ڕای ناگرن ئەمەش دەبێتە هۆی کوبوونەوەی میکرۆب لەسەری و دواتر زیان گەیاندن بە چاوەکان.

ئا: هە ـف

سەرچاوە: insight visin center