وەزارەتی دارایی گشتاندنێک ئاراستەی وەزارەتەکان دەکات

وەزارەتی دارایی حکومەتی هەرێم داوا لە وەزارەت و فەرمانگەکان دەکات پێویستە پەلەبکرێت لە یەکلاکردنەوەی پێشینەکان و ئامادەکردنی تەرازووی پێداچوونەوە لەکاتی خۆی و بێ دواکەوتن.

بەپێی نوسراوێکی وەزارەتی دارایی و ئابووریی حکوومەتی ھەرێمی کوردستان، کە ئاراسەتی سەرجەم وەزارەت و فەرمانگەکان کراوەو کۆپیەکی دەست سپی کەوتووە، وەزیری دارایی و ئابووری رێباز محەمەد لەبارەی ژمێرەی کۆتایی ساڵی 2018 ئاگاداریان دەکاتەوە کە بەرواری 31/5/2019، دواین بەروارە بۆ داخستنی ئەژمێری کۆتایی ساڵی 2018ە.

وەزارەتی ناوبراو بەپێی ئەو نوسراوە داوا دەکات پەلەبکرێت لە یەکلاکردنەوەی پێشینەکان و ئامادەکردنی تەرازووی پێداچوونەوە لەکاتی خۆی و بێ دواکەوتن.

وەزارەتی دارایی روونیکردۆتەوە، لە ئەگەری هەر دواکەوتنێک فەرمانگە و بەڕێوەبەری بەڕێوەبەرایەتی پەیوەندیدار و بەڕێوەبەری ژمێریاری و ژمێریار بەرپرس دەبێت.


ئه‌م بابه‌ته ‌5768 جار خوێنراوه‌ته‌وه‌‌

AM:02:42:12/02/2019