وەزیری تەندروستی هەرێم رایگەیاند دوای تەواوبوونی لێکۆڵینەوەکانی پۆلیس لە ماوەی دوو رۆژی داهاتوودا پارەکە بەسەر فەرمانبەرانی نەخۆشخانەی شار دابەشدەکرێت.
رێکەوت حەمەرەشید، وەزیری تەندروستی هەرێم رایگەیاند" پارەکە بە تەواوی دۆزراوەتەوە و هیچی کەم نییە و لەئێستاشدا لای پۆلیسی سلێمانییە".
وتیشی، وای تەواوبوونی لێکۆڵینەوەکانی پۆلی پارەکە دەگەڕێنینەوە بۆ تەندروستی سلێمانی و لەماوەیەکی کەمدا کە دوو رۆژی پێ ناچێت بەسەر فەرمانبەراندا دابەشدەکرێت".
وەزیری تەندروستی هەرێم ئاماژەی بەوەشکرد، لە دوای ئەو رووداوە لیژنەیەکی کارگێڕی پێکدەهێنن لە تەندروستی سلێمانی و لێکۆڵینەوە لە هۆکاری دزینی پارەکە دەکەن".
دوێنێ سێشەممە ١٣ی ئاداری ٢٠١٩، لەلایەن چەند کەسێکی نەناسراوەوە پارەی مووچە و نەسریەی نەخۆشخانەی شار لە سلێمانی دزرا کە بڕەکەی زیاتر لە یەک ملیار دینار بوو، بەڵام دوای تێپەڕبوونی کەمتر لە 24 کاتژمێر دژەتیرۆ و هێزە ئەمنییەکانی سلێمانی تۆمەتبارەکانیان دەستگیرکرد، کە لە حەوت کەس پێکهاتبوون و سەرجەمیان خەلکی سلیمانی بوون و پارەکەشیان دۆزیەوە.