بەهۆی خراپی دۆخی کەشوهەوا لە بەغدا باری نائاسایی راگەیەندرا

لەسەرتاسەری پارێزگاری بەغدای پایتەختی عێراق بەهۆی خراپی دۆخی کەشوهەواو مەترسی دروستبونی لافاو باری نائاسایی و لە ناکاو راگەیەندرا.

فەلاح ئەلجەزائیری، پارێزگاری بەغدا رایگەیاند،  سەرجەم کارمەندەکان بەڕێوەبەرایەتی ئاوەڕۆی پارێزگاکەو شارەوانی و فەرمانگەی ئاو خراونەتە حاڵەتی ئامادەباشییەوە بۆ خۆپاراستن لە ئەگەری دروستبوونی لافاو.

پارێزگاری بەغدا ئاماژەی بەوەشكردووە، کە خۆی سەرپەرشتی ژووری عەمەلیاتی تایبەت بە دۆخەکە دەکات و سەرجەم مۆڵەت و پشووەکانی کارمەندانی دەزگا خزمەتگوزارییەکانی هەڵوەشاندوەتەوە و 24 کاتژمێر لە ئامادەباشیدا دەبن.


ئه‌م بابه‌ته ‌4342 جار خوێنراوه‌ته‌وه‌‌

PM:10:44:31/03/2019