بڕیارە لە ماوەی دوو رۆژی داهاتوودا پارەی فەرمانبەرانی هەرێم لە بەغداوە بگاتە هەرێمی کوردستان و دابەشکردنی موچەی خێراتر بکرێت.
بەپێی زانیارییەکانی سپی، کە لەسەرچاوەیەک لە وەزارەتی دارایی دەستیکەوتووە، لە دوو رۆژی داهاتوودا پارەی مووچە لە بەغداوە دەگاتە هەرێم و دابەشکردنی مووچە خێراتر دەکرێت.
ئەمەش لەکاتێدایە بەهۆی نەبوونی پارەوە لە بانکەکانی هەرێمی کوردستان وەزارەتی دارایی نەیتوانیوە مووچە بە خێرایی دابەش بکات و تاوەکو ئێستا مووچەی وەزارەتی خوێندنی باڵای دابەشنەکراوە، تەنیا موچەی ئەو وەزارەتانە دابەشكراوە کە پارەیەکی کەمیان بۆ دابەشکردنی مووچە دەوێت.