جەبار یاوەر، ئەمیندارى گشتى وەزارەتى پێشمەرگە ئاشکرایکرد، نزیکەی دوو هەزار چەکداری داعش ماون و لە چەند ناوچەیەکدا بڵاوبوونەتەوە.
جەبار یاوەر لە چاوپێکەوتنێکیدا لەگەڵ ئاژانسی ئەنادۆڵ ئاماژەى بەوەکردووە، ئەو دوو هەزار چەکدارە لە ناوچەکانی مهخمورهوه تا باشوری كهركوك و قهرهتهپه و ناوچهكانی دیاله بڵاوبوونەتەوە.
ڕوونیشیکردەوە، جگە لەو دوو هەزار چەکدارە، داعش شانەی نوستوی هەیە بە تایبەت لە لادێکان و خهڵك له چهندین ناوچه بهشهو دهبنهوه داعش و یارمەتیی چەکدارەکان دەدەن.
لە بارەی شەهید و بریندارەکانی پێشمەرگەوە، جەبار یاوەر ئاماژەی بەوەکردووە، لە ڕوبەڕوبوونەوەی داعشدا هەزار و ٧٢٠ شەهید و ١٠ هەزار و ٧٢٠ کەس لە پێشمەرگە و پۆلیس و ئاسایش برینداربوون.
جەختی لەوەشکردووەتەوە، تا ئێستا هیچ دامودهزگایهكی ههواڵگری بهدیاریكراوی نازانن ئەبوبەکر بەغدادی و ئەو سەرکردانەی داعش کە ماون لە کوێن.