نوسەری سپایدەرمان کۆچی دوایی کرد

سیناریستى ناودارى ئه‌مریكایى، ئاڵڤین سارگێنت له‌ ته‌مه‌نى 92 ساڵیدا له‌ ماڵه‌كه‌ى خۆى له‌ شارى سیاتڵ-ى ویلایه‌ته‌ یه‌كگرتووه‌كان كۆچى دوایى كرد.

ئاڵڤین سارگێنت رۆژی پێنج شەممە ٩ی ئایار بەهۆی تەمەنی زۆرو پیریەوە کۆچی دوایی کردووە. 

ئەو نووسەرە چه‌ندین به‌رهه‌مى وەک سیناریۆى بۆ فیلمه‌كانى (Julia) و (Ordinary People) نووسیوه‌ كه‌ بۆ هه‌ردووكیان له‌ ساڵه‌كانى 1978 و 1981 دابووەو خه‌ڵاتى ئۆسكارى بردووه‌ته‌وه‌.

سارگێنت سیناریۆى بۆ زنجیره‌ فیلمه‌كانى (پیاوى جاڵجاڵۆكه‌ - سپایدەرمان) نووسیوه‌ و دوو جار خه‌ڵاتى ئۆسكارى لەسەر ئەو سیناریۆیەش پێبه‌خشراوه‌.

ئاڵڤین سارگێنت، سیناریۆى به‌شى دووه‌مى فیلمى سپایده‌ر مان-ى له‌ ساڵى 2004 و به‌شى سێیه‌مى له‌ ساڵى 2007دا نووسوه‌ و سیناریۆى فیلمى The Amazing Spider-Man له‌ ساڵى 2012دا نووسیوه‌.

 ئاڵڤین سارگێنت سه‌ره‌تا به‌كارى نووسین بۆ ته‌له‌فزیۆن ده‌ستى پێكردووه‌ و له‌ ساڵى 1966ه‌وه‌ به‌ نووسینى فیلمى (Gambit) چووه‌ دنیاى سینه‌ماوه‌ و یه‌كێك بوو له‌ كه‌سه‌ ناوداره‌كانى هونه‌رى حه‌وته‌م له‌ ئه‌مریكا و جیهانیشدا.


ئه‌م بابه‌ته ‌2592 جار خوێنراوه‌ته‌وه‌‌

AM:08:46:13/05/2019