نرخی نەوت بەرزبووەوە

نرخی نەوتی خاو لە بازاڕەکانی جیهان بەرزبوونەوەیەکی نوێی تۆمار کرد، لە ئیستادا نرخی هەر بەرمیلێک لە نەوتی خاوی برێنت و تەکساسی ئەمریکی بەم جۆرەی لایخوارەوە مامەڵەیان پێوەدەکرێت

بەپێی رۆیتەرز، نرخی نەوتی خاوی برێنت 32 سەنت و بەڕێژەی لەسەدا 0.5 بەرزبوەتەوە و نرخی یەك بەرمیل لەو بەرهەمە كردویەتیە 63.61 دۆلار لە كۆتا مامەڵەدا.

هاوکات هەر بەپێی هەمان ئاژانس نرخی یەک بەرمیل نەوتی خاوی تەکساسی رۆژئاوای ئەمریکا 33 سەنت و بەڕێژەی لەسەدا 0.6 بەرزبوەتەوە و نرخی یەك بەرمیل كردویەتیە 54.32 دۆلار.  
 
بەرزبونەوەی نرخی نەوتی خاو لەکاتێکدایە  سعودیە، كە یەكێكە لە گەروەترین وەبەرهێنەكانی رێكخراوی ئۆپیك و هەینی رابردو رایگەیاند، "پێویستە ئۆپیك و وڵاتانی هاوپەیمانی، بەردەوامبن لە كەمكردنەوەی رێژی هەناردە و وەبەرهێنانەكانی نەوت و (ئۆپیك)، بەوەش نرخی نەوتی خاو لە بازارەكانی جیهاندا بەرزبونەوەی بەخۆوە بینی. 

هاوکات بەردەوامی و زیاتربونی گرژیی و ئاڵۆزیەكان لە ناوچەكانی رۆژهەڵاتی ناوەڕاست هۆكارێكی دیكەی سەرەكیە بۆ بەرزبونەوەی نرخی نەوتی خاو لە بازاڕەكانی جیهاندا.



ئه‌م بابه‌ته ‌264 جار خوێنراوه‌ته‌وه‌‌

AM:09:45:10/06/2019