ئەو پرسیارانە چین کە نابێت لەیەکەم ژواندا بکرێت

یه‌كه‌م دیداری نێوان كچ و كوڕ بۆ هه‌میشه‌ له‌ یاده‌وه‌ری هه‌ریه‌كه‌یاندا ده‌مێنێته‌وه‌ و كاریگه‌ری زۆری ده‌بێت له‌سه‌ر په‌یوه‌ندی داهاتوی نێوان ئه‌م دوو كه‌سه‌، سه‌نته‌ری NSE تایبه‌ت به‌ په‌یوه‌ندیه‌ كۆمه‌ڵایه‌تیه‌كان هۆشداری ده‌ده‌نه‌ پیاوان ئه‌م چوار پرسیاره‌ نه‌كه‌ن له‌و خانمه‌ی‌ له‌گه‌ڵی داده‌نیشن.

1- بۆچی ویستت من ببینیت:
له‌ڕاستیدا ئه‌م پرسیاره‌ نه‌گونجاوه‌ و ئافره‌ت ده‌خاته‌ گومانه‌وه‌ له‌وه‌ی‌ كه‌ هاتوه‌ بۆ دیدارت و ڕه‌نگه‌ به‌هۆیه‌وه‌ په‌شیمان بێت له‌وه‌ی‌ كه‌ هاتوه‌ بتبینێت.

2-له‌ چ بوارێكدا كارده‌كه‌یت:
خانمان ئاره‌زووی ئه‌م پرسیاره‌ ناكه‌ن و پێیان ناخۆشه‌ له‌باره‌ پاره‌ی‌ مانگانه‌ و جۆری كار قسه‌یان له‌گه‌ڵ بكرێت و ئه‌گه‌ر ئه‌م پرسیاره‌ت هه‌یه‌ ئه‌وه‌ هه‌ڵیگره‌ بۆ دیداره‌كانی دیكه‌تان.

3-پێشتر په‌یوه‌ندیت له‌گه‌ڵ كه‌سی دیكه‌ هه‌بووه‌:
نه‌ له‌ سه‌ره‌تا و نه‌ هیچ كاتێك ئه‌م پرسیاره‌ له‌ ئافره‌ت مه‌كه‌ و ڕابردووی بیر مه‌خه‌ره‌وه‌ ، بابه‌تی دیكه‌ زۆره‌ بۆ ئه‌وه‌ی‌ پرسیاری له‌سه‌ر بكه‌یت.

4-خێزانه‌كه‌ت بنچینه‌یان چییه‌ و مێژوه‌كه‌یان بۆ كه‌ی‌ ده‌گه‌ڕێته‌وه‌؟
ئه‌وه‌ی‌ بۆتۆ گرنگه‌ خودی كه‌سایه‌تی ئافره‌ته‌كه‌یه‌ نه‌ك بنه‌چه‌ی‌ خێزانه‌كه‌ی‌ تۆ له‌گه‌ڵ خودی ئه‌و ژیان به‌سه‌ر ده‌به‌یت و پێویست نییه‌ كارت به‌ بنچینه‌ی‌ خێزانه‌كه‌یه‌وه‌ هه‌بێت.

ئه‌م بابه‌ته ‌2952 جار خوێنراوه‌ته‌وه‌‌

PM:11:59:11/06/2019