ئەمڕۆ مەسرور بارزانی، سەرۆك وەزیرانی هەرێمی كوردستان و قوباد تاڵەبانی لەگەڵ وەزیرانی كابینەی نۆیەمی حكوومەت گفتوگۆیەكی ڕاوێژكاریان ئەنجامدا.
لە كۆبوونەوەكەدا تاوتوێ و پلان داڕێژی بۆ یەكەم كۆبوونەوەی كابینەی نوێی حكومەت كراوە و مەسرور بارزانی داوای لە وەزیرەكانی كابینەی نۆیەمی حكوومەتی هەرێمی كوردستان كردووە بە گوێرەی كارنامەی حكوومەت و بە گیانێكی نیشتمانی دوور لە حزبایەتی خزمەتی هاووڵاتیانی هەرێمی كوردستان بكەن.
بڕیارە رۆژی دووشەممەی هەفتەی داهاتوو ئەنجوومەنی وەزیرانی هەرێمی كوردستان یەكەمین كۆبوونەوەی ئاسایی بكات.