هاوسەرۆکانى پارتى دیموكراتى گه‌لان "هه‌ده‌په" لەبارەى هێرشەکەى هەولێر و كوشتنى دیپلۆماتكاره‌كه‌ى توركیا ئیدانە دەکەن و داوا دەکەن "ئەو هێرشە ناڕوونە بە زووترین کات روونبکرێتەوەو هیچ گومانێک لەو بارەوە نەمێنێت و ئەنجامدەرانی ئاشکرا بکرێن".
له‌ڕاگه‌یه‌نراوێکدا هاوسەرۆکانى هەدەپە، جگە لەوەى ئیدانه‌ى كوشتنى دیپلۆماتكاره توركه‌كه له‌شارى هه‌ولێر ده‌كەن، ئاماژە بەوەش دەکەن "ئه‌وان له‌گه‌ڵ خه‌باتى ئاشتى و كه‌شوهه‌وایه‌كى دیموكراتى و ئارامیدان و هه‌موو جۆره كرده‌وه‌یه‌كى توندوتیژى ڕە‌تده‌كه‌نه‌وه”.
هاوسەرۆکانی هەدەپە سەبارەت بە ناوهێنانی ژنە پەرلەمانتارێکى هەدەپە لەلایەن میدیاکانى تورکیاوە بەوەى کە برایەکى تۆمەتبارە بە رووداوەکە، دەڵێن: قبوڵناکەین پەرلەمانتارێکمان بە بیانووی ئەو هێرشە و بەهۆی ناوی براکەیەوە بکرێتە ئامانج.
داواش دەکەن "ئەو هێرشە ناڕوونە بە زووترین کات روونبکرێتەوەو هیچ گومانێک لەو بارەوە نەمێنێت و ئەنجامدەرانی ئاشکرا بکرێن".
ڕاگه‌یه‌نراوه‌كه هەدەپە دوای ئەوەدێت، ئه‌مڕۆ هه‌ینى میدیاكانى توركیا بڵاویانكرده‌وه، تۆمه‌تبارى كوشتنى دیپلۆماتكاره‌كه‌ى توركیا، براى ژنە په‌رله‌مانتارێكى هه‌ده‌په‌یه.
.