كەشناسی عێراق رایدەگەیەنێت، لەچەند پارێزگایەكی باشوری عێراق پلەكانی گەرما گەیشتونەتە 49 پلە و كەمترین پلەش لە پارێزگای دهۆكە كە 43 پلە بووە.
دەستەی كەشناسی عێراق ئەمرۆ دووشەممە ئاشكرایكردوە، پلەكانی گەرما لە سێ پارێزگای عێراق هەڵكشانێكی زۆری بە خۆیەوە بینیووە و گەیشتونەتە 49 پلەی سیلیزی و دەشڵێت، هەڵكردنی بای باكوری ڕۆژئاوا بەسەر عێراقدا كاریگەری كردوەتەسەر بەرزبوونەوەی پلەكانی گەرما.
دەستەی كەشناسی عێراق ڕایگەیاندووە، لەپارێزگاكانی بەسرە ، زیقار، میسان پلەكانی گەرما گەیشتونەتە 49 پلە و لەپارێزگاكانی سەماوە و نەجف 48 پلەی تۆماركراوە.
دەستەی كەشناسی عێراق جەختیشكردوەتەوە، كەش و هەوای پارێزگاكانی هەرێمی كوردستان بەراورد بە ناوچەكانی باشوری عێراق گۆڕانكاری زۆری بەسەردا نەهاتووە.