مەسرور بارزانی، سەرۆكی حكومەتی هەرێمی كوردستان پەیامێكی پیرۆزبایی ئاراستەی ئێزیدییەكان كرد و رایگەیاند، ھەرچی لە تواناماندا بێت دەیخەینەگەڕ لە پێناو خزمەتکردنی زیاتری خوشک وبرا ئێزدییەکانمان.
لە پەیامەكەی سەرۆكی حكوومەتی هەرێمی كوردستاندا هاتووە "بە بۆنەی هاتنەوەی جەژنی چلێ هاڤینێ، پیرۆزباییەکی گەرم لە خوشك و برا ئێزیدییەكانی كوردستان و جیهان دەكەم. هیوادارم لە كەشێكی ئارام و بەختەوەردا ئەم جەژنە بەسەر بەرن".
دەقی پەیامەكە:
پەیامی سەرۆکی حکومەتی ھەرێمی کوردستان بە بۆنەی جەژنی چلێ ھاڤینێی خوشک و برا ئێزیدییەکان
بەبۆنەوەی هاتنەوەی جەژنی چلێ هاڤینێ پیرۆزباییەکی گەرم لە خوشك و برا ئێزیدییەكانی كوردستان و جیهان دەكەم.
هیوادارم لە كەشێكی ئارام و بەختەوەردا ئەم جەژنە بەسەر بەرن.
دڵنیاتان دەکەینەوە کە حکومەتی ھەرێمی کوردستان ھەرچی لە توانایدا بێت دەخاتە گەڕ لە پێناو خزمەتکردنی زیاتری خوشک وبرا ئێزدییەکانمان و کەمکردنەوەی ئازار و مەینەتییەکانیان و ھەوڵدان بۆ گەرانەوەی ھەرچی زووتری برا ئێزدییە ئاوارەکانمان بۆ دەڤەرەکانیان لە سنوری شنگال و بەھزان و ھەروەھا بەدواداچوون بۆ زانینی چارەنووسی ھەموو قوربانیانی دەستی تیرۆریستان.
مەسرور بارزانی
سەرۆکی حکومەتی ھەرێمی کوردستان
2019/7/30