ئەمڕۆ ١٠ ی ئاب لە وڵاتی چین زریانێک کە بە زریانی " لیکیما " ناسراوە لە کەناری باشووری شەنگەهای دا، لە ئەنجامدا سەدان ماڵی رووخاندو دەیان کەس بوونە قوربانی.
بەپێی راپۆرتێکی تەلەفزیۆنی حکومەتی چین، لە ولایەتی تشیانگ ١٦ هاوڵاتی گیانی لەدەستدا، هەروەها لە ناوچە جیاجیاکانی ئەو وڵاتە نزیکەی ٢٠٠ خانوو رووخان و ٣٢٠٠ خانووی تر تووشی زەرەربوون.
ئاژانسی " شینخوا" ی چینی بلاویکردەوە کە یەک ملیۆن هاوڵاتی گواستراونەتەوە لە شوێنی زریانەکە کە ٢٣٥ هەزاری لە شەنگەهای بووە.
هەروەها ٢١٠٠ گەشتی گواستنەوە بە شەمەندەنەفەر راگیرا.