لە بەشێک لە پارێزگاکانی باشوری عێراق رۆژی سێشەممە 20ی ئابی 2019 پشوو دەبێت.
بە گوێرەی زانیاریەکان پشووەکە بەهۆی جەژنی غەدیری شیعەکانەوەیە و لە پارێزگاکانی زی قار، واست، دیوانیە، بەسرە، بابل و میسان پشوو دەبێت.
لای پەیڕەوانی مەزهەبی شیعە جەژنی غەدیر یادکردنەوەی ئەو رۆژەیە کە پێغەمبەری ئیسلام لە ناوچەی (غەدیر خەم) لە نزیک مەککە لە حەجی ماڵئاواییدا وتارێکی پێشکەشکردووە و رایگەیاندووە کە عەلی کوڕی ئەبی تاڵیب لەدووای خۆی دەبێتە جێنشینی.
ساڵانە پەیڕەوانی مەزهەبی شیعە لەو رۆژەدا ئاهەنگ دەگێڕن و سەردانی گۆڕی ئیمامی عەلی لە نەجەف دەکەن.