سەرکەوت شەمسەدین ئەندام پەرلەمانی عێراق ڕایگەیاند، کاری حکومەتەکەی بارزانی نیە ڕێوشوێن بۆ سروتە ئاینیەکان دابنێت ، ودین بۆ مەرامی سیاسی بەکاربهێنێت.

لەنوسینێکیدا لە فەیسبوکی تایبەتی خۆی سەرکەوت شەمسەدین دەنوسێت، ماوەیەکە حکومەتی هەرێم/پارتی لەژێر ناوی جیاجیا کەوتۆتە دەرکردنی چەندین بریار و رێنمایی تایبەت بە رێکخستنی کاروباری مزگەوت وەک هەنگاوێک بۆ کۆنترۆڵکردنی بڵندگۆی مزگەوتەکان و بە سیاسی کردنیان .

 دەشڵێت، ئەگەر وتاری هەینی نارێکخراوە ئەوە کاری مامۆستایانی ئاینی و یەکێتی زانایانە کە کاری لەسەر بکات و گۆڕانکاری تێدا بکات نەک وەزیرێکی سەربە پارتی کە جگە لە سوکایەتیکردن بە دین و جیاوازی ئاینی هیچ دەسکەوتێکی تری نیە.

ئەو پەرلەمانتارە وتویەتی، هەرلەسەردەمی ئەم وەزیرەی پارتیدا بوو کە بڵندگۆی مزگەوتەکان بۆ بانگەشەی ڕیفراندۆمە شومەکەی بارزانی بەکارهێنرا و ئەوکاتە بڵندگۆکان هیچ حەیبیان نەبوو.
 

ئاماژەی بەوەشکردوە، کاری حکومەت نیە رێوشوێن بۆ دینداری دابنێ و دین بکاتە کەرەستەیەک بۆ کۆنترؤلکردنی کۆمەڵگە، لێگەرێن دین ئازاد بێت و ئێوەش خەریکی چاکسازی بن لە حکومەتە شکستخواردوەکەتاندا.