نوسینگەی کەناڵی "حوڕە" لە عێراق داخرا

دەستەی راگەیاندن و پەیوەندییەکانی عێراق نووسینگەکانی کەناڵی ئەل حوڕە دادەخات و هۆکارەکەشی ئامادەکردنی ڕاپۆرتێکە لەسەر بەڕێوەبردنی مەزارە ئاینیەکان

ئەمڕۆ دووشەممە ، دەستەی راگەیاندن و پەیوەندییەکانی عێراق لە بەیاننامەیەکدا، رایگەیاندووە، هەموو نووسینگەکانی کەناڵی "حوڕە" لە عێراق بۆ ماوەی سێ مانگ دادەخرێن و کارکردنی ئەو کەناڵە رادەگیرێ.

دەستەی راگەیاندن و پەیوەندییەکانی عێراق هەروەها داوای لە بەڕێوەربەرانی نووسینگەی سەرەکیی کەناڵی حوڕە لە عێراق کردووە، بە فەرمی داوای لێبووردن لە عێراق و کەسایەتییە ئاینییەکانی بکەن و بڵاوی بکەنەوە.

ئەو بڕیارە دوای ئەوەدێت کە کەناڵەکە راپۆرتێکی لەبارەی  بەڕێوەبردنی مەزارەکان لە عێراق و چۆنیەتی بەڕێوەبردنیان  کردووە و ڕەوتە ئاینییەکانی عێراقیش ئەو راپۆرتەیان بە سووکایەتی و هێرشکردنە سەر پیرۆزییەکانی وڵاتەکەیان، ناوبردووە.



ئه‌م بابه‌ته ‌602 جار خوێنراوه‌ته‌وه‌‌

PM:05:28:02/09/2019