ئەندامی سەرکردایەتی یەکێتی نیشتیمانی کوردستان، سیروان کوێخا نەجم، دوای نزیکەی دوو هەفتە لە دەستگیرکردنی ئەمڕۆ بە کەفالەت ئازادکرا.
جێگری بەرپرسی مەڵبەندی چەمچەماڵی یەکێتی، شێخ موحسین ئەمڕۆ چوارشەممە ١١ ی ئەیلولی ٢٠١٩ ڕایگەیاند " سیروانی کوێخا نەجم، ئەندامی سەرکردایەتی یەکێتی نیشتیمانی کوردستان بە کەفالەت ئازادکراوە".
دادگای لێکۆڵینەوەی ئاسایشی سلێمانی، رۆژی 25-8-2019 بە ماددەی 421/31 فەرمانی دەستبەسەرکردنی بۆ سیروانی کوێخا نەجم دەرکردووە، لەسەر سکاڵای بەڕێوەبەرایەتیی چالاکییەکانی دژەتیرۆر، بەڵام هۆکاری دەستبەسەرکردنی رووننەکراوەتەوە.