گەورەترین تیڤی ئەمەریکا: لە عێراقەوە فڕۆکە بێ فڕۆکەوانەکان هێرشیان کردۆتە سەر سعودیە

‌


کەناڵی سی ئێن ئێن کە بە گەورەترین میدیای ئەمەریکا دادەنرێت، لە راپۆرتێکدا بڵاویکردەوە ئەو فڕۆکە بێ فڕۆکەوانانەی دوێنی بۆردومانی گەورەترین کۆمپانیای سعودیە ( ئارامکۆ) یان کرد لە عێراقەوە هەستاون نەک لە یەمەنەوە، عێراق ئەو هەواڵە رەتدەکاتەوە.


کەناڵی سی ئێن ئێنی ئەمریکی ئەمڕۆ ١٥ ی ئەیلول لە ڕاپۆرتێکی لەزاری سەرچاوەیەکی ئاگادار لە لێکۆڵینەوەی هێرشەکانی سەر کارگەکانی کۆمپانیای ئارامکۆ بڵاویکردووەتەوە “هێرشەکەی سەر کارگەی ئارامکۆی سعودی، بەهۆی فڕۆکەی بێفرۆکەوانەوە بووە کە لە عێراقەوە فڕیون نەک یەمەن".


ئەو هەواڵە لە کاتێکدایە ئەگەر ئەمەریکا و هاوپەیمانەکانی ئەو راستیەیان بۆ یەکلایی بێتەوە دۆخی عێراق بەتەواوی دەچێتە حاڵەتێکی مەترسیدارەوە.


ئەو هەواڵەی سی ئێن ئێن لەلایەن عێراقە لەسەر ئاستی پارێزگایەکی سنوری سعودیە رەتکراوەتەوە، بەڵام پێدەچێت لەسەر ئاستی باڵاش لە هەرەمی دەسەڵاتی عێراق رەتبکرێتەوەو راگەیاندنی فەرمی لەسەر دەربچێت. 


دوێنێ ١٤ ی ئەیولول چەند فڕۆکەیەکی بێ فڕۆکەوان هێرشیان کردە سەر کارگەی ئارامکۆ کە گەورەترین کارگەی بەرهەمهێنان و پاڵاوتنی نەوتە لە سعودیەو زەرەرێکی زۆر بەو کارگەیە گەیشتووە.
 


PM:12:23:15/09/2019








ئەستێرەکان

Spee Media