لەسنورى پێنجوێن چوار دۆنم پوش و پاوان سووتا
ئاگریک لە قەزاى پێنجوێن کەوتەوە و بەو هۆیەوە چوار دۆنم پوش و پاوان سووتا.
لەو بارەیەوە عمیدى پۆلیس هێمن کمرخان أفندى بەڕێوەبەرى ڕاگەیاندن لە بەرێوەبەرایەتى پۆلیسى دارستان و ژینگەى پارێزگاى سلێمانى ڕایگەیاند : ئاگریکى لە قەزاى پێنجوێن کەوتەوە دەست بەجێ مەفرەزەکانى بەشى پۆلیسى دارستان و ژینگەى پێنجوێن بەهاوکارى ئاگرکوژێنەوە گەیشتە شوێنى ڕووداوەکە توانرا لەماوەیەکى کەمدا ئاگرەکە کۆنترۆڵ بکرێت.
زیانى ئاگرەکە سوتانى (4) دۆنم پوش و پاوان بوو هۆکارى ئاگرکەوتنەوەکە نادیارەو لێکۆڵینەوە لەو بارەیەوە بەردەوامە .
لە لایەکى ترەوە لە ئەنجامى دەرچونێکى مەفرەزەکانى بنکەى پۆلیسى دارستان و ژینگەى وارماوا لە پێناو پاراستنى ئاوى ژێر زەوى و ڕێگریکردن لەدیاردەى بیرلێدان توانیان (1) هاووڵاتى دەستگیر بکەن کە سەرقاڵى هەڵکەندنى بیر بوون بە شێوەیەکى نایاسایى هاوکات دەستگیرا بەسەرجیهازێکى بیرلێداندا .
پەڕاوى لێکۆڵینەوە ڕێکخراوەو ڕادەستى دادوەر کرا بۆوەرگرتنى ڕێکارى یاسایى .
PM:02:18:18/09/2019