محەمەد حەلبوسی سەردانی هەرێمی کوردستان دەکات


ئەمرۆ پێنج شەممە رێکەوتی ١٩ ی ئەیلولی ٢٠١٩ سەرۆکی پەرلەمانی عێراق بەمەبەستی کۆبوونەوە لەگەڵ بەرپرسانی باڵایی حکومەتی هەرێمی کوردستان بەسەردانێکی فەرمی دەگاتە هەولێری پایتەخت.

محەمەد حەلبوسی، ئەمڕۆ لەلایەن دەستەی سەرۆکایەتی پەرلەمانی کوردستانەوە پێشوازی لێدەکرێت، لەگەڵ بەرپرسانی باڵایی هەرێم کۆبوونەوەکانی دەست پێدەکات و لە کۆبوونەوەکەدا تاوتوێی پرسی بوودجە و کێشە هەڵپەسێراوەکانی نێوان هەرێم بەغداد دەکرێت.  

نوسینگەی سەرۆکی حکومەتی هەرێمی کوردستان دوێنێ دوای کۆبونەوەی مەسرور بارزانی و سەرۆک بەرهەم ساڵح لە راگەیەندراوێکدا رایگەیاند، لە کۆبونەوەکەدا جەخت لەوەکرایەوە کە ئێستا دەرفەتێکی باش هاتوەتە پێشەوە بۆ چارەسەرکردنێکی بنەڕەتی کێشەکان لە سەر بنەمای دەستور کە پێویستە بەتەواوی جێبەجێ بکریت. 
 


ئه‌م بابه‌ته ‌254 جار خوێنراوه‌ته‌وه‌‌

AM:09:56:19/09/2019