بوومەلەرزەیەکی بەهێز ئیستەنبوڵ دەهەژێنێت

‌

بومەلەرزەیەک بە گوڕی 4.6 پلە بە پێوەری رێختەر ئیستەنبوڵ و دەریای مەڕمەڕەی هەژاند.

بەگوێرەی هەواڵێکی ئاژانسی (ئەنادۆڵ)ی فەرمیی تورکیا، ئەمڕۆ سێ شەممە ٢٤ ی ئەیلولی ٢٠١٩ لە کاتژمێر ١١:٠٠ پێش نیوەڕۆ بوومەلەرزەیەک بە گوڕیی ٤.٦ لەشاری ئیستەنبوولێ داوە، سەنتەری بوومەلەرزەکە لە دەریایی مەڕمەڕە بووە و جگە لە ئیستەنبووڵ، هەموو دانیشتوانی دەوروبەری شارەکە هەستیان پێکردووە و تا ئێستاش هیچ زانیارییەک سەبارەت بە زیانە ماددی و گیانییەکانی ئەو کارەساتە بڵاونەکراوەتەوە. 

شاری ئیستەنبوڵ، گەورەترین شاری تورکیایە لە ڕووی ڕووبەر و کلتور و هونەرەوە، هەر لەو شآرەدا زیاتر لە ٦٣ مۆزەخانە و ٦٤ مزگەوت و ١٧ کۆشکی ڕەنگینی تێدایە، جگە لەمانەش زیاتر لە ٣٤٩ دامەزراوەی گەشتیاری لەخۆ دەگرێت، هەروەها ٦٨ گەلەری هونەری و زیاتر لە ٢٨ هۆڵی بۆنەکان و ٧٠ سینەما، وە زیاتر لە ٧٢ کتێبخانە لەخۆدەگرێت بۆ گەشتیاران، کە ساڵانە دەیان ملیۆن گەشتیاری بیانی سەردانی ئەو شارە دەکەن. 
 


PM:12:11:24/09/2019








ئەستێرەکان

Spee Media